Ka Synjuk Waheh Chnong Ri Jaintia hapoh ka jingialam jong u President jong ka u ma A. Lipon ryngkat u General Secretary ma B. Shylla bad u Joint Secretary ma T. Phawa lem bad ki nongkitkam ka synjuk ha ka 11 tarik mynt u bnai kila ioh ban pynskhem ia kawei na ki tnat treikam ia kaba la tip kum ka “Ka Iooski Saphai Circle”.
Kane ka Circle kan khyntup kumba 13 tylli ki Dorbar Shnong jong ka thain Iooksi bad ka jinglah jong ka Synjuk ban pyniar ia u pud u sam kan nang pynkhlaiñ shuh shuh ia ka bor jong ki Dorbar Shnong ban dawa ia kiba bun ki jingdonkam jong ki nongshong shnong naduh ka pule puthi, ka kam rep kam riang, ki kam pynroi pynpar kynthup ia ki iew ki hat, ka jingkyntiew ia ki kam jngohkai pyrthei da kaba pynkhie im biang ia ka wah Kupli nalor kiwei de ki jingdonkam ba kongsan ha ka imlang ka sahlang.
Ki nongkitkam jong kane ka Synjuk ki kynthup ia u President ma S. Passah Waheh Shnong ka Khonshnong, General Secretary ma C. Tangliang WS Iooksi, Publicity Secretary ma N. Sutnga WS Iooksi Umdieñling bad la jied ruh 10 ngut ban long ki dkhot ba pura na ki 13 Dorbar Shnong hapoh ka thaiñ.