U MDC jong ka Jowai North u ma Brightstar Chyrmang mynta ka sngi ula pyniasoh ialade bad ka Party TMC ha ka jingialang kaba la long ha ïingsah jong u ma Andrew Shullai, ha Iongpiah, Jowai.
Ia u ma Brightstar Chyrmang la pdiang burom da u ma Shullai uba dei kyrtong jong ka TMC na ka 2-Jowai LA Constituency, ha ka jingiadonglang u Dr. R.C. Laloo, ma MB Rymbai bad kiwei ki rangbah nongialam jong ka TMC.
Kum ban shu pynkynmaw ba u ma Brightstar Chyrmang u la jop ia ka elekshon MDC 2019 na ka Jowai North na ka Party NPP. Ha kane ka kynti jong ka elekshon MLA 2023 na ka liang u ma Brightstar un ai ka jingkyrshan ba pura ia u ma Awhai Andrew Shullai uba dei u kyrtong ka TMC bad u long ruh u MDC jong ka Jowai Central.