U MDC ba rim jong ka party Congress lem bad ki nongkyrshan jong u bad shiphew ngut kiwei pat kiba dei ki nongkitkam jong ka United Democratic Party (UDP) mynta ka sngi ki la pyniasoh noh ïalade sha ka party NPP bad shim ka rai ban kyrshan ïa ka kong Santa Mary Shylla ka ban ïakhun ha kane ka elekshon MLA 2023 na ka party NPP na 5-Sutnga Saipung constituency.
Ia ka jingïalang la pynlong mynta ka sngi ha shnong Sutnga da ka 5-Sutnga-Saipung Block National People’s Party. Ha ka jingialang la pdiang burom ïa kitei kiba pyniasoh sha ka party kiba kynthup u MDC ba rim jong ka Congress u bah Moya Darnei lem bad ki nongkyrshan jong u, kumjuh ruh kiwei pat kiba na ka party UDP ki kynthup u President jong ka UDP, u Kungliana Darnei, Vice President jong ka UDP, u bah Thianga Nampui, General Secretary jong ka UDP, u Sangpuia Nampui, Assistant Secretary jong ka UDP, u Lalrama Nampui lem bad hynriew ngut ki ba ju bat kum ki Advisers ha ka party UDP, u Zosiama Thianglai, u Neichonga Nampui, u H.W. Fowler Darnei, u Lalchonga Nampui, Lalremzoma Nampui bad u Ngailiana Thiate.
Katkum u kyrwoh ba la pyllait da u General Secretary jong ka 5- Sutnga Saipung Block NPP, u bah Heimon Lamare, la ong ba u bah Moya Darnei, u MDC ba rim u la wan ban pynïasoh da kaba u la wanrah lang ruh ïa ki nong kyrshan jong u halor ka jingthmu ba kin kyrshan noh ïa ka kong Santa Mary Shylla ka ban iakhun ha kane ka elekshon ka ban wan.
Ia ka jingialang la pyniaid da ka kong Santa Mary Shylla.