Meghalaya State Legal Services Authority (MSLSA) ka la pynlong ia ka National Lok Adalat (NLA) mynta ka sngi (11/5/2024) ha kylleng ki bynta jong ki Districts jong ka Jylla Meghalaya, hapoh ka jingkyrshan jong ka National Legal Services Authority (NALSA).
Ha kane ka National Lok Adalat, la wanrah haduh 735 tylli ki mukotduma. Na kine 401 tylli ki dei ki mukotduma bym pat rah sha ka ïing bishar (Pre-Litigation cases) bad 334 tylli pat ki dei ki mukotduma kiba sahteng.
Napdeng kine ki 735 tylli ki mukotduma ka NLA ka la lah ban pyndep ne pyniasuk 124 tylli bad ka jingiohlum pisa ha kine ki kukotduma ka la kot sha ka 87,49,876.95/- (Phraphew Hynñiew Lak, Sawphew Khyndai Hajar, Phraspah Hynñiewphew Hynriew bad Khyndaiphew San pisa).
Kane ka long katkum ka khubor bala pyllait da i E.Kharumnuid, Member Secretary, Meghalaya State Legal Services Authority.