Ka seng Hynniewtrep Integrated Territorial Organisation (HITO) Moobakhon Area, hapoh ka jingialam u President samla Poibha Suiam bad u General Secretary samlaYoniki Dhar, ha kane ka 03.10.2022 ki la leit ban noh synniang da ka song pisa sha ka ïing jong ki khunswet kiba don hapoh ka shnong Moobakhon bad ia wei u rangbah uba don jingshitom dkhot met.
Ha kane ka sngi na ka liang ka seng kat ka bor ba lah ka la ai ka jingkyrmen ia kine ki longïing ba kim dei ban long kiba sngew kutlad namar kum ka seng hi kan don ryngkat bad ki ha ka jingiaid lynti jong ki ha kane ka pyrthei bad kan iai kyrshan ia ki kat i bor ba ka lah nangne shakhmat.
Ka seng hi kumba ka ieng ha ka nongrim bad shakri ban kyntiew ia ka lawei ki khun ki hajar jong ka jaitbynriew kan dang wad ia ki lad ki lynti ban ai jingiarap ia ki paradoh parasnam ha kano kano ka bynta kat kum ba shong ka bor jong ka seng.