U District Magistrate (DM) jong ka East Jaintia Hills District, Khliehriat ula pynjari da ka kyndon 144 CrPC na ka bynta ban wanrah ia ka elekshon kaba khuid ba suba bad kaba shngaiñ hapoh ka District baroh kawei.
Ha kaba iadei bad kane u DM ula pynmih ia ka hukum ba la khang ban thoh dak ne dro dur bad tah poster bad ban pynieng ia ki banner ha ki jaka sorkar. La khang ruh ban leh ia kane ha ki jaka jong ki riew shimet lait noh tang hadien ba la ioh bor na ki trai jaka.
La khang ruh ban tah ia ki sticker, ki lama elekshon ne kino kino ki jingthoh ba iadei ba ka elekshon ha ki kali kamai.
La khang ruh ban rah ia ki tiar siat, ki tiar pynbthei ha baroh ka District tad haduh ban da dep ka elekshong. Kane ka hukum kan ym ktah ia ki briew sorkar kum ki Pulit, ki Home Guards, ki BSF, CRPF bad kiwei kiba la ioh bor na ka bynta ka kam jong ki.