U District Magistrate jong ka West Jaiñtia Hills hynnin ka sngi 26.06.2024 u la pynmih ia ka hukum hapoh ka Section 144 CrPC, na ka bynta ban khang ia ka jingkhlong maw bad shyiap napoh ne narud jong ka Wah Myntdu.
Shuh shuh kane ka hukum kala khang ruh ia ki nongsait jaiñ, sait kali ha ka wah Myntdu kumjuh ruh yn ym shah shuh ban bret ia ki ñiut ki nier bad ym dei ruh ban pyrtuid ia ki um jakhlia sha kane ka wah. Namar kane ka ktah ia ka um bam um dih ne ka umkor jong ki paidbah kiba pyndonkam um dih na kane ka wah.