Ka tnat kam pohïing ka jylla ha ka 13 Rymphang 2025 ka la pynbna ba la pynjari da ka President’s Rule ha Manipur. Kane ka la jia katto katne sngi hadien ba u CM ka Manipur u Biren Singh u la phah ïa ka jingiehnoh kam jong u sha u Lat ka Jylla.
Ka Droupadi Murmu President ka Ri India, ki la ioh ia kane ka kaiphod na u Lat ka Jylla Manipur bad hadien ba la bishar bniah ia ka kaiphod bad kiwei kiwei ki jingtip halor ka jinglong jingman ha kaba ka Sorkar jong ka Jylla Manipur kam lah ban pyniaid katkum ki kyndon jong ka Riti Synshar ka Ri India,” ong ka jingpynbna ba la pyllait da ka MHA.
Katkum ka bor ba la ai ha ka President da ka kyndon 356 jong ka Riti Synshar bad ia kiwei pat ki bor baroh kiba pynlah ia ka President ban shim ha lade ia baroh ki kam jong ka Sorkar jong ka Jylla Manipur, ka la pynbna da ka President’s Rule, kaba la pynjari katkum ka Article 356 jong ka riti synshar ka ri India, kaba ailad ia ka Ophis President ban shim ia ka jingsynshar haba ka sorkar jylla kam lah ban treikam katkum ka riti synshar ka ri.
