Ki Nongialam ka Seng East Jaintia National Council (EJNC) ha ka 09.01.2023 ki la hiar sha ka Elaka Nongkhlieh East Jaintia Hills District ban pynkha ia ka tnat treikam batymmai jong ka ia ka ba tip kum ka EJNC Nongkhlieh Circle, ha kane ka Elaka ki don kumba 11 tylli ki shnong. Ka jingthmu ban pynkha tnat sha kane ka thaiñ ka long kum shi bynta ban pynduh ia ka eh ka shon kiba kine ki nongshong shnong ki iakynduh na ka por sha ka por khamtam ka roi ka par namar ha kane ka thaiñ ki briew ki im ha ka rep ka riang.
Ha kane ka sngi la ioh ban pynskhem bad pyntiansmai ia ki nongkitkam kane ka Circle da u General Secretary ka CEC Samla Nangjan Dkhar ha ka jingpyniaid ia ka jingialang da u Samla Mebanteilang Sukhlain, General Secretary Khliehriat Circle bad ka jingkren maitphang ia ki nongrim ka Seng da i Vice President CEC bah Ency shadap, ha ka jingkren i kyntu ba kum ki nongialam ki dei ban don ka jingsngewrit bad ban iatreilang ruh bad ki bor shnong na ka bynta ka bha ka miat ka imlang sahlang.
Na ka liang u Samla Sakilan Chyrmang President Sumer Circle ha ba ai jingkren maitphang u la pynpaw ia ki nongrim treikam bad ka jingthmu ba kongsan eh jong ka seng kalong ban iada, ban pynneh pynsah, ban kyntiew bad khamtam eh ban ialeh khlem kynran dien na ka bynta ki sap ba kyrpang jong ka jaidbynriew nalor kiwei kiwei ki jingthmu.
Ha ka jingkren lyngkot hadien ka jingpynskhem bad pynsmai ia ki nongkitkam jong kane ka Circle ha ka shnong Moolasngi Nongthymmei, na ka liang u General Secretary ka Sengkmie u la ban jur ia ka jingdonkam jong ka jaidbynriew ban ia tylli mlon kawei na ka bynta ban ieng ialeh ia ki jingeh ki ba kum ka jaidbynriew ngi ia kynduh ha kine ki sngi, ki por bad ki ia. Kam pher lada ngi don ne ngi dei kiba na kano kano ka kyndong kynshrot jong ka thaiñ, hynrei na ka bynta ka dawbah jong ka Jaidbynriew ngi dei ban ia mih ha madan lada ka kam bad ka por ka dawa. Dei halor kane ba ka Seng hi ka pyniar ia la u tnum u tyndai ban leit sha kylleng sawdong ka Ri lum Jaiñtia ban pynmih ia ki shipai jong ka Jaidbynriew ba lada ka por ka dawa ngin ia mih ban ieng ialeh ia kino kino ki bor ki ba thmu ban iuhroit bad pynduh jait ia ka Jaidbynriew ba kyrpang.
Ki nongkitkam kane ka EJNC Nongkhlieh Circle ki long kumne:-
President- Nikki Sutnga
Vice President- Wadbor Tariang
General Secretary- Efficiency Phyrngap
Assistant General Secretary- Nikki dkhar
Organising Secretary- Amut-i-me Sukhlain
Assistant Organising Secretary- Wan-oo Sukhlain
Education Secretary- Hame Rupon
Finance Secretary- Anas Sukhlain
Publicity Secretary- Willingness Sukhlain
Sport Secretary- Elizer Dkhar
Art & culture Secretary- Mewan Sukhlain
Discipline Secretary- Pynbait sutnga
Office secretary- Yoni phyrngap
Executive members
Namon Sukhlain
Ferly Pajuh
Ferly Dkhar
Meshan Sukhlain
Shlur Sukhlain
Hepme Dkhar
Seibor Dkhar
Shirup Dkhar
Bame Sutnga
Shitlang Bamon
Bad 15 ngut ki dkhot.
