Ka seiñ kur Dkhar ka la ioh ban pynkha ia ka tnat treikam ka ba la tip kum ka Ladwah Wapung Umsatai East Jaintia Hills ha ka 05/03/2022 ha ka shnong Ladwah Wapung Umsatai. Ka jingpynkha ia ki shnat trei kam jong ka seng ka long kum shi bynta ba ki para kur kin ithuh iwei ia iwei ban lait na ka shongkha sang bad kum juh ban iajan ha baroh ki kam la ka dei ka kam ialeh kmen ialeh sngewbha lane sngewsih bad ban ia bah ban iarap kylliang ha ba don ki kur ba duna ka ioh ka kot.
Ha kane ka sngi ia ka jingialang ba lyngkot la pyniaid da u ma Shaniahskhem Dkhar bad la ioh ka jingkren jingpdiang sngewbha na ma Seiros Dkhar. La ioh ka jingsneng jing kyntu na u ma Pdianghun Dkhar uba dei ruh u General Secretary jong ka Seiñ kur East Jaintia Hills.
La ioh ka jingshad tynrai na ki Khynnah jong ka Shnong Ladwah Wapung. Na ka liang u ma Cabriel Dkhar u la sneng bad kyntu ha ka ba iadei bad ka riam ka beit, ula ban jur ba dei ban riam akor bad ri syndong la ka burom. La ioh ka jingkren na ma Emerick Dkhar ula kyntu ia ki para kur ba kin long kiba iadei jingmut ha ki bynta ba pher ba pher. Na ka liang jong u ma Justine Dkhar Ex-MLA ula sneng bad kyntu ba dei ban ia tylli para kur khamtam haba don jingeh jingshitom ki para kur.
La ioh ka jingkren na u ma Hamjhan Dkhar General Secretary jong ka sengkmie sein kur Dkhar. La ioh ban pyntian smai ia ki nongkitkam jong ka Seiñ kur Dkhar Unit na u President jong ka Seiñ kur East Jaintia Hills body u ma Tera Dkhar. La ioh ka jingkren lyngkot na President jong ka Ladwah Wapung.
Ha kane ka sngi ka la don ruh ka jingpynkup burom ia ki khun samla jong ka kur kiba la wan sha khmat ha ki jingpule na ka Ladwah Wapung. Ki nongioh ia ka khusnam ki long : 1.Kresenlang Dkhar . GMN Nursing . 2.Edenginia Dkhar SSLC passed 3.Isynei Dkhar HSSLC passed.
La ioh ka jingkren khublei na u ma Sunidakut Dkhar.
Ki Nongkitkam & Dkhot Ka Seinkur Dkhar ha Ladwahwapung-Umsatai, East Jaintia Hills District, Meghalaya. President – ma Pyrshang Dkhar Vice President – ma Sunidakut Dkhar General Secretary – ma Philip Dkhar Asst. Secretary – kong Jiotis Dkhar Treasurer – kong Thwentis Dkhar Adviser – (1). ma Oris Dkhar bad (2). ma Chosly Dkhar Executive Members – (1). ma Seiros Dkhar,(2). ma Bahborly Dkhar, (3). ma Coming Dkhar, (4). ma Khamrit Dkhar, (5). ma Shillang Dkhar, (6). ma Dawan Dkhar. (7). ma Shainbor Dkhar (Deinsatlang), (8). ma Miatmon Dkhar, (9). kong Kmenlang Dkhar, (10). kong Thialmai Dkhar, (11). kong Pynhun Dkhar bad (12). kong Langmon Dkhar.
Ia kane ka kyrwoh la pyllait na ma Shaniahskhem Dkhar Vice President seiñ kur Dkhar East Jaintia Hills.
