Mynta ka sngi 25 tarik u Kyllalyngkot ka Bouncers Association of Meghalaya Jaiñtia Hills (BAM-JH) kala ïoh ban pynkhalai ïa ki ‘Ticket Lucky Draw’ mynta ka snem 2023 kaba dei ka sien ba ar ha ka jingïalang kaba la long ha Infinity Hall Mooralong Jowai.
Hashwa ban pynkhalia ïa kine ki Ticket Lucky Draw la don ka jingïalang ba lyngkot ba la pynïaid da u ma Yoosar Kynjing President BAM-JH, uba la pynpaw ka jingsngewnguh kaba khraw eh ïa baroh ki para dkhot kiba la trei shitom met bad mynsiem ban pynïaid ïew ïa kine ki Ticket shi bynta ban pynmih pisa ïa ka seng.
Ki nongjop ha kane ka jingpynkhalai ki long 1st Prize: 5513 kaba long arphew hajar tyngka, 2nd Prize: 7983 shiphew hajar tyngka bad ka 3rd Prize: 10378 kaba long 5 hajar tyngka.
U kongsan jong kane ka sngi u ma Pyndaplang Muksor (Rank. Camp Commander & Training i/c Tornando Security Agency Iooksi Umdeinlin WJH) haba ai jingkren ula pynpaw ka jingai khublei ba kyrpang ïa ka BAM-JH kaba la noh synñiang shibun ki kam ba bha hapoh ka District hi baroh kawei.
“Kum ka seng kaba long ka nongkyrshan ha kiba bun ki liang naduh ki por jong ka jingwan lynshop ka khlam Covid-19 da kaba ïatreilang bad ki bor District, ki jingap pahara haba don ki tamasa, ki jingïathoh bad kiwei de ki prokram”.
Kiwei de kiba ai jingkren ha kane ka sngi ki kynthup ïa u ma Welborn Phawa (Senior Security Card), ma Chebha Passah Ex. Art & Culture ka JSU C.B nalor ka jingïadon lang ki dkhot ka BAM-JH, katba ïa ki kyntien ai khublei la ïoh na ka samla Rihokmika Sumer Office Secretary Women Wings BAM-JH.