Khliehriat: Ka Seng Jaiñtia Students’Movement Eastern Region (JSM-ER) kum ka dak jong ka jingburom ia u Nongialeh laitluid ka Rilum Jaiñtia u Woh Kiang Nangbah na ka jingshynshar donbor jong ki Phareng mynta ka sngi ka la leit ban sait bad pynkhuid ia utei u Mot Sahnam u ba don ha DC Compound ha Khliehriat.
Ka seng ka kyrpad ruh ia kiwei ki Seng Bhalang lane kiwei ki Kynhun ba kin sngewbha ban pynkhuid hadien ba kila dep ban pynlong ia kino kino ki prokram jong ki ym ban shu ieh sah hangto ia kiei kiei ki jingbuh ka ba lah ban pynsniew dur ia utei u mot hadien ba ki la pyut. Ka Seng kan nang iai bteng shuh shuh ban pynkhuid ia une u Mot na ka por sha ka por.
Ia kane ka jingpynkhuid la ialam da u President Eastern Region Wellson R D Siangshai bad General Secretary Suni Bareh ryngkat ha ka jingiadonlang u Vice President Donkupar Roy Kharkrang bad u Information Secretary Bunmiki Siangshai lem bad katto katne ki Dkhot.
