Ka NSS Unit jong ka Don Bosco College Byndihati, East Jaiñtia, ka la pynlong ïa ka jingïarap mon sngewbha ha jaka ai jingsumar ka Khliehriat Civil Hospital ha ka 29.10.2024, kum shi bynta jong ka rakhe ia ka “Diwali with My Bharat” kaba la leh lang ha baroh kawei ka ri.
Kane ka long ruh kum ka jingthmu ban kyntiew ïa ka jingïashim bynta jong ki samla ha ka bha ka miat ha ka imlang sahlang, ha ka khuid ka suba bad ban tip ruh ia ki jingeh kiba ki nongtrei ka koit ka khiah ki iakynduh.
Hapoh ka jingpeit jong ka Matron ka Bernitha A. Sangma bad ka Dr. S. T. S. Momin, ki nongtrei mon sngewbha ki la ïashim bynta ha kaba pynkhuid ïa ka Hospital, ïarap ïa ki nongpang bad kyrshan ïa ki nongtrei ha ki kam ba lah ban leh.
Ka M. Sangma, ka la kren halor ka jingdonkam jong kane ka jingthmu, da kaba ong, “Kane ka jingpyrshang ka ailad ïa ki samla pule jong ngi ban sngewnguh ïa ka jingaiti lut jong ki nongtrei ka koit ka khiah. Ka jingkyrshan na ki samla kiba trei mon sngewbha ka pynsngewthuh ïa ka jingsngewrit bad ka jingkitkhlieh.”
