Kum shi bynta ban pynkhreh ïa ka Shad ñiam Behdieñkhlam hapoh ka Raij Jowai, ki khun ka Loomkyrwiang Dorbar Shnong ha kane ka sngi saitjaiñ 22 tarik kila ïamih paidbah ban ïashim bynta ha ka jingpynkhuid shnong ne ka ‘Behdieñkhlam Cleaning Drive’.
Ha kane ka sngi ki nongshong shnong bashong basah hapoh u pud u sam ka Loomkyrwiang naduh ki trai dong bad kiba wan sah ïingwai, kila ïamih ryntih ban pynkhuid ïa ki ñiut ki ñier ha baroh ki lynti synkieng bad kumjuh ïa ki tyllong umbam umdih jong ka shnong.
Ka Heiioomitre Pakma, Secretary I Khooid I Jngair, Loomkyrwiang Dorbar Shnong ha ka jingkren kala pynpaw ka jingsngewnguh ïa baroh kiba ïadon bynta lang ha kane ka sngi pynkhuid shnong, kala kyntu ïa kiba shong basah hapoh ka shnong ba kin don ka mynsiem ïatreilang khamtam ban wanrah ïa ka jingkhuid jingsuba ym tang haka por Behdeiñkhlam, hynrei ha man la ki por.
Kala buh ruh ka jingkyrpad kum ki nonghong shnong ki dei ban don ka jingkitkhlieh manla ka sngi ban pynkhuid ïa ki lynti ki syngkieng kiba don hakhmat jong ki ïing ki sem jong ki, khnang ba kane ka wanrah ïaka khuid ka suba jong ka shnong ka thaw.
