Ka Dorbar Shnong Mukhla Nongrim hapoh ka jingialam u Waheh Shnong bad u Secretary Shnong ka la pynlong ia ka jingpykhuid shnong hynnin ka sngi ha ryngkat ka jingiamih ki paid ki khun ka shnong shynrang bad kynthei, ki samla bad ki longkmie longkpa mynta ka sngi, ka dorbar shnong kum shi bynta ban ia snohkti lang bad ka ri India ban rakhe ia ka lyngkhuh sngikha u Mahatma Gandhi kaba dei ha ka 02/10/2022.
Ki khun ka shnong kila ia mih paidbah ban pynkhuid ia ki jakhlia jakhlait kiba don ha shilynter u surok bad kumjuh ia ki umbam umdih bad ia ka um sait thad ka shnong, ha kane ka sngi pynkhuid shnong Cleaning la wan ban ia shim bynta ruh da iwei na ki long kmie iba la iaw ka rta (Senior Citizen) hapohka shnong Mukhla Nongrim bad ita i dei i Mei Ieid Miket Blah bad iba ju long ruh i nonghikai barim ha ki snem mynshwa.
Ia kane ka jingpynkhuid la sdang ia ka ha ka por 09:00 AM na pyhllaw jong ka office treikam bad iing
dorbar hall ka shnong bad bud pat ter ter bad ha shwa ban sdang ia kane ka jing pynkhuid shnong la ioh ia ki jingkren lyngkot na u Waheh Shnong Rgh, B. Suna Secretary Shnong Rgh, S. Sari bad la ia shim bynta ruh ha kane ka sngi da ki nongialam jong ka Village Organization (VO) Mukhla Nongrim bad ki nongialam bad ki dkhot jong ka Mukhla Nongrim Sport Club, bad ki Seng Longkmie ka shnong.
