Kum shi bynta ban rakhe burom ia ka sngi Khristmas ka FKJGP Lama Unit ha ka jingiatrei lang ba ka ophis jong u Waheh Shnong Lama kila pynlong ia ka prokram pynkhuid shnong ha kane ka 23 tarik. Ha kane ka juh ka sngi ka seng ka la sam ruh da ki dusbin kumba 40 tylli na ka bynta ban buh ha ki dong bad ki kyntoit jong ka shnong.
Ha kane ka prokram la bhah ha ki Saw tylli ki kyntoit Dong da kaba pynshlur ia ki ban iakhun ban ioh ia ka nam Best Cleaner bad kat kiba jop kin ioh rah ia ka song pisa kaba Rs.1000/- tyngka bad yn ai ruh ia ka Consolation prais ia ki dong kiba iashim bynta Rs.500/- tyngka.
Na ka liang ki nongialam jong ka seng ki ong ba kane ka dei kum ka sien jam kaba nyngkong bad nangne shakhmat kan sa thaw ki lad ki lynti ban wanrah ia ka roi ka par ha poh ka shnong Lama.
