Ka Meghalaya Bharat Scouts and Guides (MBSG) hynin ka sngi kala pynlong ia ka jingpynkhuid shnong kaba long shi bynta na ka jingrakhe ia ka World Environment Day 2022 halor ka phang pdeng “Only One Earth”.
Ki Scouts bad Guides bad kumjuh ki Unit Leaders na ki 5 tylli ki skul kiba don hapoh East Khasi Hills kiba kynthup ia ka Queenie SS, May Fair SS, St, John SS, ka H. Eliar Memorial HSS bad ka St. Anthony’s HSS ryngkat ki nongtrei jong ka State Headquarters jong ki Scouts bad Guides kila wan ban iashim bynta ha kane ka prokram.
Ia kane ka jingpynkhuid la sdang na Bah (L) Thranghok Rangad Point, Laban, sha Meghalaya Bharat Scouts and Guides, sha School Pine Mount ter ter shaduh sha Crinoline Swimming Pool bad sha surok jong ka Seven Set HSS. La pynwai ia ka jingialang da ka jingkren ai khublei bad ka jingiadih sha sngewbha.
