Ka jingkhynñiuh jumai kaba 4.0 magnitude ka la jia ha Delhi-NCR ha ka step jong ka sngi Nyngkong bad ka pdeng jong ka, ka long ha ka nongbah jong ka ri. Ka jingkhie jumai ka la neh tang katto katne sekhon bad ka la wanrah ia ka jingtieng ia ki nongshong shnong.
Ki nongshong shnong jong ka nongbah Delhi bad kito kiba don ha ka National Capital Region (NCR) ki la kyndit na kaba iohthiah na ka jingkhynñiuh jumai kaba jur kaba kot 4.0 magnitude ha ka step jong ka sngi Nyngkong.
Katei ka jingkhie jumai ka dei hajan ka Durgabai Deshmukh College of Special Education kaba don ha Dhaula Kuan, kaba don ha shathie jong ka Delhi.
Katkum ka tyllong khubor u tei u jumai, ula khie ha ka jingjylliew kaba san kilomitar, ha ka por 5.36 baje mynstep ka jingsawa kaba jur ka la iohsngew haba u jumai u la lynshop ha Delhi-NCR bad ka jingkhih jumai ka la neh haduh 35 sekhon.
Bun ki briew ki la mareh shabar na ki ïing ki sem jong ki da ka jingtieng hadien ba ki la mad ia ka jingkhih kaba jur. Ki video jong ki briew kiba ieng shabar jong ki ïing bad ym shym la don kano kano ka khubor ba la pynjulor ne mynsaw.