Ha ka jingrakhe ia ka World Blood Donors Day mynta ka sngi ka Jowai Blood Bank Centre (JBBC) kala pynlong ia ka prokram ba kyrpang na ka bynta ban pynkup burom ia ki riew shimet kiba ju ai ka jingsynñiang snam ei sha kane ka jaka pyllang snam jong ka tnat ka koit ka khiah hapoh West Jaiñtia Hills District.
Napdeng kine kiba la shah pynkup burom la ai ka jingsngewnguh kaba kyrpang ia u ma Specialson Turnia uba la synñiang haduh 25 sien, u Socially Kama bad u Wanmi Laloo kiba la synñiang mar 10 sien sha kane ka jaka pyllang snam.
Ia kane ka prokram la pynlong ha Jowai Civil Hospital Blood Centre halor ka phang pdeng “Give Blood, Give Plasma, Share Life, Share”.
Ha kane ka sngi u bah Wankhraw Kupar Kharbuli, MCS EAC, West Jaiñtia Hills, ula long u kongsan bad ula lamkhmat ruh ia ka jingshim kular, ha ka jingiadon ryngkat ka Medical Superintendent jong ka District Civil Hospital, Ialong ka Dr. Rita Pohrmen, ka Dr. P Shylla ba dei peit ia ka Blood Centre, ki nongtrei bad ki nongsynñiang snam. Ka la don ruh ka jinglum ia ka jingsynñiang snam ei ba la pynlong da ka Meghalaya Crickt Association bad ka West Jaintia Hills District Cricket Association ryngkat ka Blood Bank jong ka Civil Hospital, Jowai ha kaba san ngut ki riew shipment kila wan ban synñiang ia ka snam sha kane ka jaka pyllang snam.
