Ka KSU, East Jaintia Hills District Unit (EJHDU) lyngba ka shnat treikam jong ka KSU Jalaphet Unit ha ka 14/ 06/2022 ka la ioh ban pynlong ia ka jingpynkup burom ia ki ar ngut ki Rangiakura kiba la jop ha ka National MMA Championship kaba dang shuh dep long ha ka jylla Manipur.
Ha kane ka jingialang la ioh jingkren na u Samla Rangbah Streamly N Suchen President KSU EJHDU, Samla Rangbah Cherity Suja Asst. Finance KSU EJHDU, bad na i Chairman Shnong Jalaphet Bri Sumer. Kine ki ar ngut ki rangiakura ki ba tip kyrteng kum u Samla Fivestar Bareh u ba la ioh rah ia ka takma Rupa katba u Samla Kisan Bareh u la ioh rah iaka Champion Belt.
La ioh ruh ka jingkren na u Samla Shwari Ryngkhlem Sports Secretary KSU EJHDU u la buh jingkylli ia ka Sorkar bad kumjuh ia u Sports Minister balei ba kim phai khmat sha ka thain East Jaintia Hills ban kyntiew ia ka kam ialehkai ha ka East Jaintia Hills District namar kane ka district kam don ia ki Madan ialehkai kaba paka naduh ka Madan ialehkai football, madan basket bad kiwei kiwei.
Ka Sorkar kala dei bad ai bhah ia ka East Jaintia Hills District kawei ka Artificial turf Stadium, synthetic track bad bad kiwei de ki jingdonkam kumba kiwei ki District ki ioh khnang ba ki Samla na kane ka District kin lah ban pynjanai ha ki jingialehlai bapher bapher ban kin nang iai kiew shaphrang bad ba kin lah ban noh synñiang sha ka District ka Jylla bad ka Ri hi baroh kawei.
