Ka Meghalaya State Kickboxing Association (MSKA), ka la pynkup burom ia 14 ngut ki rang bad ki thei ialehkai jong ka Jylla, hadien ba ki la ioh ban khur ia ki takma jong ki na ka rynsan iakhun ba la tip kum ka WAKO India National Kickboxing Championship-2024 Senior & Masters (Men & Women), kaba la long ha Multipurpose Indoor Stadium, Dayanand Bandodkar Krida Sankool Peddem, Mapusa, Goa naduh 24 tarik haduh 28 tarik u Naitung. Ia kane ka jingiakob la pynlong da ka Amateur Sports Kickboxing Association Goa.
Haba iakren sha ki lad pathai khubor ka Meghalaya State Kick Boxing Association (MSKA) ka la pynlong ia ka jingialang pynkup burom ha Hotel Assembly, Khyndai Lad. Ia kane ka jingialehkai la ithuh da ka Ministry of Sports & Youth Affairs Government of India bad ka International Olympic Committee (IOC).
Ki nongjop na kane ka jylla ha ka jingiakhun ba la dep long ha Goa ki long 1- Banbit Kharsahnoh na ka shnong Lemthaw, Smith East khasi Hills, uba la jop ha ka Gold Medal. 2- Juh Pa U Nongtdu na ka shnong Nartiang, West Jaiñtia Hills, uba jop ha ka Gold Medal. 3- Frederick Khongsit na ka shnong Nongpdeng Laitkor, East Khasi Hills, uba jop ha ka Gold Medal.
4- Belldona Pakyntein na ka shnong Mawkyrwat, South West Khasi Hills District iba jop ha ka Silver Medal. 5- Daneilla Mylliemngap na ka shnong Lumparing Lum Dorbar, East Khasi Hills iba jop ha ka Silver Medal. 6-Ibansius Kshiar na ka shnong Smit, Umiew, East Khasi Hills uba jop ha ka Silver Medal. 7-Adial Marphi Nongdhar na ka shnong Pohkseh, East Khasi Hills uba jop ha ka Silver Medal.
8-Wanlam Kupar Thabah na ka shnong Golflink Khliehshnong, East Khasi Hills uba jop ha ka Silver Medal. 9-Elbiston Kharkongor na ka shnong Laitkor Nongmadan uba jop ha ka Bronze Medal. 10-Ibadahunshisha Rani na ka shnong Manai, Eastern West Khasi Hills, iba jop ha ka Bronze Medal. 11- Lanosha Marbaniang na ka shnong Lawbah Mawsynram iba jop ha ka Bronze Medal. 12-Rilang Kupar Dkhar na ka shnong Phudmuri Pdengshnong, East Khasi Hills uba jop ha ka Bronze Medal. 13- Benedict Khongsit na ka shnong Mawlai Motsyiar, East khasi Hills, uba jop ha ka Bronze Medal. 14-Cornelius Maring na ka shnong Nongpoh RiBhoi, uba jop ha ka Bronze Medal.
Haba khatduh ka Meghalaya State Kick Boxing Association (MSKA) ka la ai khublei ruh ia ki coach, Nathaniel P Kurkalang, Mordekai S Kharpuri, bad u Shaiborlang L Mawphlang. Kiba ialam Ia kane ka kynhun ban wanrah nam ia ki khynnah bad ia ka Jylla Meghalaya baroh kawei.
