Ka Meghalaya Pradesh Congress Committee mynta ka sngi ka 6tarik Naitung 2024 ,ki la pynkup burom ia u MP ka Congress na Tura u Saleng A Sangma uba la ioh ia ka jingjop ha ka elekshon MP kaba dang shu dep shen.
La pdiang ia u Saleng da ki jingrwai tynrai ha ka jingdon ryngkat lang ki Nongialam ka seng Congress kynthup ia u President ka MPCC u Bah Vincent H Pala, u Bah Ronniev V lyngdoh, Bah Gabriel Wahlang, Charles Marngar,ki nongkyrshan bad ki nongkit kam jong ka party.
Haba ai jingkren ha kane ka sngi U Saleng u ong ba u kmen ban don ha kane ka party namar u ioh laitluid ban kren ia ki issue bad ki mat ba iadei bad ka Jylla Meghalaya.
U la ong ruh ba ki mat kiba u Bah Vincent Pala u la lam khmat ha ka por ba long MP kum ka ILP bad ka jingpynrung ia ka ktien khasi bad Garo ha ka khyrnit ba 8 u la ong ba un sa shim khia haba ia dei bad kane ka issue haduh ba kan da urlong.