Ka National People’s Party 1-Nartiang Constituency West Jaintia Hills Distrcit Meghalaya, ha ka 7th June 2025 ka la pynlong ia ka program pynkup burom ia ki 4 ngut ki MDC jong ka party ki ba la ioh ia ka jingjop donburom ha kane ka election MDC sha Jaiñtia Hill Autonomous District Council mynta u snem 2025. Kine ki MDC ki kynthup ia u ma Thombor Shiwat na 8- Moodop – Umladang constituency, Ma Jesse Suiam na 6– Moodymmai- Nongkhroh constituency, ma Pheinshwa Nangleiñ na 10- Mynsngad – Khanduli constituency bad ma Reforming Son Lamare na 7– Nartiang – Wahiajer Constituency.
Ia ka jingialang la pynlong ha Wahiajer Community Hall bad la pyniaid da u ma Hamkom Khynriam President NPP- 1 Nartiang Block Constituency, la ioh ia ka jingduwai na u bah S.Laloo Tbn Balang Presbytarian Lad-Sung Wahiajer, ka jingshad pdiang burom na ki samla ka shnong Wahiajer bad ia ki kyntien maitphang na u bah Briwon Pohshna Adviser ka NPP 1-Nartiang Block Constituency.
Hadien ka jingpynkup burom ia ki MDC da ki nongialam ba hakhmat jong ka party, la ioh ia ka jingkren lyngkot na ki lai ngut ki MDC ki ba kynthup ia u ma Reforming Son Lamare, u ma Pheinshwa Nangleiñ Executive Member JHADC bad u CEM ka JHADC ma Thombor Shiwat ki ba la ai khublei kyrpang ia ki paidbah nongkyrshan, ia ka party bad khamtam eh ia u Deputy Chief Minister ba long ruh u local MLA bad dei da ka jingtrei shitom jong baroh, kaba la lah wanrah ia ka jingjop donburom ia ka party hapoh ka 1-Nartiang L.A Constituency ha kane ka election MDC wat lada ki jingialeh ha baroh ki constituency ki long ki ba jwat bha.
U ma Sniawbhalang Dhar, Deputy Chief Minister ka jylla Meghalaya, ha ba ai jingkren kum u kongsan u la ai khublei kyrpang ia baroh ki MDC ki ba la ioh ia ka jingjop donburom ha kane ka elction 2025. U lah ai khublei ruh ia baroh ki nongialam ka party bad kumjuh ia ki paidbah nongkyrshan ka party. U la pynkymmaw ia baroh ki MDC ba ki dei ban trei shitom ban iarap bad ban wanrah jingmyntoi ia ki paidbah ha kino kino ki rukom ba ki donkam bad ruh ban trei shitom na ka bynta ka bha ka miat jong ka Ri lum Jaiñtia hi baroh kawei.
U kongsan u la pynkynmaw ruh ia ki MDC bad ki nongialam jong ka party ba kin long kiba ia tylli, kiba iaieid bad ruh kiba trei hok ia ka kam ba la bynshet ha ki. “Kum ki nongialam ngi dei ban kynmaw ba ki paidbah ki jied ia ngi da ka jingieid bad ka dei ka kamram jong ngi ban trei ruh ia ki da ka jingieid ban warah ia ka roi ka par ha ki constituency jong ngi” ong u ma Dhar. Shwa ban pynkut la ioh ia ka jingai khublei na ka kong Lily Phawa, President NPP Women Wing WJHD.
