Ka Seiñ Jaiñtia Womens’ Wing (SJWW) mynta ka sngi kala pynlong ïa ka prokram ba kyrpang na ka bynta ban pynkup burom ïa ki longkmie na ri lum Jaiñtia kiba la paw shakhmat ha ka nam bad ka burom.
Ïa kane ka prokram la pynlong ha Seiñ Jaiñtia Hall, Qualapatty, Shillong ha kaba u bah Sanbor Shullai Myntri ka Arts & Culture ka sorkar jylla ula long u kongsan.
Ki longkmie kiba la shah pynkup burom ha kane ka sngi ki kynthup ïa ka kong R.V. Suchiang, IAS, kaba dei ka Chief Secretary jong ka sorkar jylla, ka kong Isawanda Laloo, IAS, kaba dei ka Deputy Commissioner jong ka East Khasi Hills District, ka kong Minimon Laloo kawei na ki nongthoh kot ba paw bad ka kong Trinity Saioo, kaba la ïoh ïa ka khusnam Padmashree.
