Ka kong D.V Lyngdoh, Additional Deputy Commissioner (ADC) West Jaintia Hills, kala ai khublei kyrpang ia ki 13 ngut kiba don ka jingduna ha ka bor iohi (visually impaired individuals) kiba la lah ban pyndep ia ka jingai jinghikai ban thaiñ Synsar. Ka kong Lyngdoh kala ai ruh ka jingiaroh ia ki naba wat la ki long kiba don ka jingduna kila lah pat ban pyndep thik ia katei ka jingjinghikai kumno ban thaiñ ia u synsar haduh ba la long ban pyndonkam ia u.
Ka la ong ruh ba ka West Jaiñtia Hills District ka dei ka District kaba nyngkong duh ban leh ne ai ia kum kane ka jinghikai na ka bynta kine ki briew kiba don ka jingduna ha ka bor iohi lyngba ka MSSDS. Ka kong Lyngdoh ka la ai ruh ka jingkhublei kyrpang ia ka ophis jong ka District Skill Development Officer, kaba la lamkhmat da u Lambormi Suchen, bad kumjuh ruh ka jingiaroh bad khublei kyrpang ia ka kynhun jong ka Society for Urban and Rural Empowerment (SURE) ban leh ia kat kane ka kam.
Ha kine ki 6 bnai kiba la dep, ka SURE ka la lah ban pyndep ia ar tylli kine ki jingai jinghikai hapoh West Jaintia Hills District. Ha kaba ia kitei ki program la bei da ka Meghalaya State Skill Development Society (MSSDS) kumjuh ruh da kaophis jong ka District Social Welfare Department, Jowai. Kawei la kyrshan da ka MSSDS kaba la pynlong ha Moosakhia, kaba hap hapoh ka Amlarem Block, bad kawei pat ia ki jinglut jingsep da ka DSWO kaba la pynlong ha Lumbhah Dakha Wahiajer, hapoh ka Thadlaskein Block.
Ha kane ka sngi la ioh ruh ia ka jingkren na ka kong R. Passah, District Social Welfare Officer of West Jaintia Hills, Lambor Suchen District Skill Development Officer, S. Pale IPO na ka ophis jong ka District Commerce bad Industries Centre, West Jaintia Hills, Durka Sari kaba la ai jingkren na ka bynta ki para lok ba don ka jingduna ha ki bor iohi.
Ha kane ka sngi la sam ruh ia ki Certificate ki startup kits, white cane bad kiwei de ki tiar kiaba la ai pynioh ne iarap lyngba ka ophis ka DSWO.
Ka SURE kan sa pynlong shuh ia kine ki jingai jinghikai ha kaba ka kong Lyngdoh ka la plie ruh ia kane ka programme ka ban sa long pat ha SURE training Center kaba don ha New Hill Jowai.
