Ka Sorkar Jylla mynta ka sngi kala pynmih ia ka hukum ban pynkynriah kam ia ki katto katne ngut ki Deputy Commissioner.
Ka East Jaiñtia Hills District kan ioh ia u DC ba thymmai u Shivansh Awasthi, uba ju bat kum u Deputy Commissioner ka South Garo Hills, Baghmara. Katba ia u A. Baranwal, Deputy Commissioner ka East Jaiñtia Hills District, Khliehriat, ula shah pynkynriah bad shah thung mynta kum u Deputy Commissioner ka Ri-Bhoi District, Nongpoh.
Ha East Khasi Hills ka sorkar kala wanrah biang ia ka kong Rosetta Mary Kurbah kum ka Deputy Commissioner ka East Khasi Hills District ha ka jaka u SC Sadhu. Katba ia u Saduh la pynkynriah bad thung mynta kum u Secretary of Community & Rural Development Department, Fisheries Department, Animal Husbandry & Veterinary Department, bad Water Resources Department, bad ruh kum u Director of Community & Rural Development.