Ka Jaiñtia Students’ Movement (JSM) mynta ka sngi ka 28/11/2024, ka la ïoh ban pynlait paitbah ïa artylli ka Kali kit Nongpang (Ambulance) ban shakri ïa ki paidbah ka thaiñ khamtam ki ba wan na ka longïing longsem ba duk ba duna ka ïoh ka kot.
ïa ka jingïalang plie paidbah la pynlong ha ka Shnong Mokhep, EJH ïa ka ba la pynïaid da u Shri. Kerbhame Dkhar, Asst. Secretary JSM, Central Body ryngkat ka nguh Blei.
Ha shwa ban sdang la ïoh ka jingkren pdiang burom na i Samla Wellson RD Siangshai iba dei i President JSM Eastern Region pynbud sa ka jingshad pdiang burom na ki Samla na ka Shnong Mookhep.
Ha kane ka sngi la pyllait paidbah ïa ki Ambulance ka Seng da u Leningstar Rymbai kum u Kongsan ha kajuh ka por u ba dei u President jong ka Seng JSM Central Body.
Ha ka jingai jingkren kum u Kongsan ula sneng la kyntu ïa ka kynhun JSM baroh kawei ban long ki ba kloi ban kit ïa ka lyngkor bad ban ai ka jing shakri kaba paka, ïa ka imlang sahlang ha ki liang baroh. Lyngba ka jingplie paidbah ïa ka ne ka Ambulance ka Seng kan nang lang shuh shuh ban kner ki kti jingïarap sha ki Nongpang Nongshitom ban pynpoi ïa ki sha ki jaka ai jingsumar ne Hospitals. U la kyntu ban sumar bha bad ym dei ban pyndonkam bakla ïa ka Ambulance.
La ïoh ruh ka jingkren ai jinghikai halor ka jingdonkam ban ai snam na u Andreas Marweiñ, General Secretary ka AI JINGIM, VBDO SHILLONG ula batai pynsngewthuh bad pynshlur sha ki Member ka JSM baroh ban wan shakhmat ban long ki ba la kloi ban ai sngewbha ïa ki snam jong ki khlem da tieng ne artatien namar da ka ba ai snam kan ïarap ïa ki ban ïoh ïa ka met ka phad ka ba koit ba khiah bad ban pyllait im ïa ki mynsiem ba kordor ki ba don Kam jingïarap snam. Shuh shuh halor kane ka mat la ïoh ruh ka jingkren pynshai da u Emlangki Supuh uba dei Adviser ka Ephatha Society, Moowakhu EJHD.
Ha kane ka sngi la ïoh ka jingkren na u Waheh Shnong Mookhep ma Denis Siangshai, ma Roitre Dkhar General Secretary JSM Central Body, ma Heihokmi Supuh, President JSM Western Region, ha ryngkat ka jingïadonlang U Waheh Shnong Pamra Kmai ma Iaikiewbha Rymbai, Secretary Shnong Mookhep Shri.Francis Dkhar, Chairman Shnong Mookhep ma Arkycious Dhar bad ki Nongkitkam, Nongïalam dkhot jong ka Seng na man la ki Region, Circle bad Unit.
Ha shwa ban pynkut la ïoh ka kyntien sngewnguh na u Samla Shanskem Suchiang, General Secretary JSM Western Region bad pynkut da ka kyntien phira ka Seng na Ma Francis Dkhar, uba dei Finance Secretary barim ka Seng.
Kino kino ki Nongshong Shnong khamtam ki nong Jaiñtia Hills District kiba donkam Ambulance ki lah ban Contact ha kine ki Phone Number: 8787789140 / 93831 88128.
