Ka kynhun ïalehkai jong ka HUCC mynta ka sngi kala ïoh ban khur ïa ka jingjop ha ka lympung ïalehkai jong ka ‘Open to all T20 Cricket Tournament 2022’ bala pynïaid da ka All Jaiñtia Cricket Association (AJCA) ha madan Jrisaleiñ.
Haba phai sha ka jingïakhun hapdeng ka HUCC bad ka Amity (L) Nissan Laloo ha ka por 9 baje mynstep ka kynhun HUCC kala lah ban pynliem ïa ka Amity da 4 wickets. Ka Amity kala jop ïa ka jingkynting pisa bad kala jied ban bat nyngkong da kaba kamai 159 runs, u Chamitreman Lamare ula ïoh 56 runs na ki 43 balls, katba na ka liang ka HUCC u C. Ryngkhlem ula ïoh khur ar wickets na ki 4 overs.
Haba wan ban beh ïa ka thong ka HUCC kala lah ban kamai haduh 161 runs na ki 14.4 overs bad hap tang 6 wickets, u rangïalehkai jong ka u Yoomi Patwet ula kamai 73 runs na ki 32 balls, katba ka Amity lyngba u Chamitreman Lamare ula ïoh khur 3 wickets na ki 4 overs. Ïa ka nam Man of the Match la ïoh da u Yoomi Patwet ka HUCC.