Ka lympung ialehkai phutbol ba la pyniaid da ka West Jaiñtia District Sports Association (WJDSA) kaba la tip kum ka “Open to all 18 Above Football League Knockout Tournament-2021′ kaba la long mynta ka sngi ha madan Kiang Nangbah Stadium Jowai ha ka jingiakhun Quarter Final ka Mukhla Raij SC kala pynliem ia ka Newhills SC da 2-0 kol
Ka jingialehkai naduh ka kylla step ka la long kaba itynnad bad iakhait bha hapdeng kine ki ar kynhun bad ha ka minit ba 40 ka Mukhla Raij SC kala ioh ban pynkhih ia ka jar ba nyngkong lyngba u Gabriel Lakashiang.
Katba ha ka jingiakhun jong ka kylla miet ka Mukhla Raij SC ka la ioh biang ban thep ia ka kol kaba ar lyngba u Ngahi Suna ha ka minit ba 82 bad jop syndon ia ka Newhills SC da 2-0 kol.
Ka jingiakhun ‘Semi Final’ jong kane ka lympung kan long ha ka 29.11.2021 hapdeng ka Niaw Wasa United FC pyrshah ia ka Caroline SC, katba ha ka 30.11.2021 ka Lutituber Ialong SC kan iakhun pyrshah ia ka Mukhla Raij SC ha ka por 1 baje nohphai sngi.