Ka jingialehkai phutbol jong ka Meghalaya State League (MSL) 2023, Jowai Zone kaba la pynlong ha madan Kiang Nangbah Stadium Jowai, mynta ka sngi 27.05.2023 ka jingiakhun kala long hapdeng ka Mulait United FC pyrshah ia ka Seiñ Pynbhalang SC, ha kaba ka Mulait United FC kala jop haduh 5-1 kol ia ka Sein Pynbhalang SC.
Haba phai sha ka jingïakhun kala long kaba theh shilliang ha kaba ka Mulait United FC ka kala ïoh ban thep haduh 5 kol ia ka Seiñ Pynbhalang SC. Ki nongialehkai ka Mulait United FC kiba la ioh ban thep ia ki kol ki kynthup ia u Lamphrang Paslein ha ka minit ba 41, u Lency Swer ha ka minit ba 43 bad 66, u Romarius Laban ha ka minit ba 76 bad u Rimonki Lamurong ha ka minit ba 90+5 jong ka jingiakhun. Katba na ka liang ka Seiñ Pynbhalang SC ia kawei ka kol la ioh ban thep da u Tympang Tangliang ha ka minit kaba 87 jong ka jingialehkai
Ka jingïakhun ban long ha ka sngi Monday 29.05.2023 kan long hapdeng ka Ladthadlaboh SC pyrshah iaka 7-Wassa United ha ka por 2 baje shiteng nohphai sngi.
