Ka jingialehkai phutbol jong ka Meghalaya State League (MSL) 2023, Jowai Zone (B) kaba la pynlong ha madan Kiang Nangbah Stadium Jowai, mynta ka sngi 22.05.2023 ka jingiakhun kala long hapdeng ka Niaw Wasa United pyrshah ia ka Youth Club Pdengkarong, ha kaba ka Niaw Wasa United kala jop da 2-1 kol ia ka Youth Club Pdengkarong.
Haba phai sha ka jingïakhun kala long kaba ïakhait bha hapdeng kine ki ar kynhun kila ïakhun tyngeh bha bad kane kala pynhun ïa ki nongwan peitkai mynta ka sngi. Ha ka jingïakhun hapdeng kine ki ar kynhun na ka liang ka Niaw Wasa United kala ïoh ban pynkhih ïa ka jar lyngba u Dashngian Sukhlain ha ka minit ba 40, bad ia ka kol ba ar da u Dreamson Suchiang haka minit ba 81 bad. Katba na ka liang ka Youth Club Pdengkarong ia katei kawei ka kol la ioh ban thep da u Marshal Nongrum ha ka minit ba 26 jong ka jingiakhun.
Ka jingïakhun ban long lashai ka sngi (Tuesday) 23.05.2023 kan long hapdeng ka Sein Pynbhalang SC pyrshah iaka Rymbai Iawpynsing SC ha ka por 2 baje shiteng nohphai sngi.