[Photo : MSL]
Ka jingialehkai phutbol jong ka Meghalaya State League (MSL) 2023, Jowai Zone kaba la pynlong ha madan Kiang Nangbah Stadium Jowai, mynta ka sngi 25.05.2023 ka jingiakhun kala long hapdeng ka Rangdajied United FC pyrshah ia ka Rymbai Iawpynsing SC, ha kaba ka Rangdajied United FC kala jop da 3-0 kol ia ka Rymbai Iawpynsing SC.
Haba phai sha ka jingïakhun kala long kaba ïakhait ha kaba sdang jong ka jingiakhun kine ki ar kynhun, hynrei katba nangiaid ka jingialeh kai ka kynhun jong ka Rymbai Iawpynsing ka la nangtlot nangtlot. Ha ka jingïakhun hapdeng kine ki ar kynhun na ka liang ka Rangdajied United FC kala ïoh ban pynkhih ïa ka jar lyngba u Orestarwell langshiang tang ka minit ba nyngkong jong ka jingiakhun, ka kol ba ar da u Aibiangmame Nongneng ha ka minit kaba 70 bad ka kol ba lai da u Wansiewdor Nengnong ha kaminit kaba 81.
Katba na ka liang ka Rymbai kam lah satia ban pynphai wat tang kawei ka kol ruh.
Ka jingïakhun ban long ha ka sngi thohdieng 26.05.2023 kan long hapdeng ka Youth Club Pdengkarong pyrshah iaka Ladthalaboh SC ha ka por 2 baje shiteng nohphai sngi.
