Ka lympung ialehkai phutbol jong ka kyrdan 1st Division Football Tournament 2022 ba la ai kyrteng ka ‘Chatister Kharkongor Memorial Trophy’, jong ka West Jaintia District Sports Association (WJDSA) kaba la long mynta ka sngi 28.10.2022 ha madan Kiang Nangbah Stadium, Dongmihsngi Jowai, kala long hapdeng ka Sailung Ialong SC pyrshah ia ka Dulong SC.
Ha ka jingialehkai ka kynhun ialehkai jong ka Sailung Ialong SC kala lah ban pynliem da 3-1 kol ia ka Dulong SC. Ia kitei ki kol na ka liang ka Sailung Ialong SC la ioh ban thep 2 kol da u Kynsai Pale ha ka minit kaba 68 bad 84 bad ia ka kol kaba lai pat la ioh ban thep da u Dauruhi Pale ha ka minit 89 jong ka jingialehkai.
Katba na ka liang ka shi kol jong ka Dulong SC pat la ioh ban thep da u Tirous Kyndait ha ka minit kaba 90 jong ka jingiakhun.
Ka jingialehkai na ka bynta lashai ka sngi saitjaiñ (29.10.2022) kan long hadpeng ka Moosalangkat SC pyrshah ia ka Mukhla Raij SC ha ka por 2:30 baje nohphai sngi.