Ka Shillong CA kaba hap hapoh ka Team-B mynta ka sngi 20 tarik kala long ka nong jop ha ka Inter District Under-19 Men’s Cricket Tournament 2022, ba la pynïaid da ka Meghalaya Cricket Association, Shillong ha ryngkat ka All Jaiñtia Cricket Association, Jowai ha madan Mini Stadium Khliehtyrshi, West Jaiñtia Hills.
Ha kane ka jingïakhun ka Shillong CA (Team B) kala jop da 134 runs ïa ka East Khasi Hills C.A. Na ka liang ka Shillong CA (Team-B) ka la jop ia ka jingkynting pisa bad kala jied ban tied nyngkong ha kaba kala kamai 242 runs bad kala hap 7 wicket na ki 30 over. U Manthan Dey ula ioh 76 runs, u Kshitij Singhania 79 runs, katba u nongkawang bol ka East Khasi Hills C.A u Raj Kishor Yadav ula khur 1 wicket na ki 5.4 over.
Haba wan ban beh ïa ka thong, ka East Khasi Hills C.A kala lah ban kamai tang 108 runs bad hap lut baroh ki wicket hapoh ka 28.3 over, u Hameki K Susngi ula ïoh 17 runs na ki 22 bol. Na ka liang u nongkawang bol ka SCA (B) u Vivek Kr Rayda ula ïoh khur haduh 3 wicket na ki 6 over. Ïa ka nam Man of the Match la ïoh rah da u Manthan Dey.