Ka kynhun ïalehkai Cricket jong ka South West Khasi Hills CA mynta ka sngi kala lah ban pynliem ïa ka East Jaiñtia Hills da 5wWickets ha ka jingïakhun Zone-1 na ka Group-B jong ka Inter District U-19 Boys Cricket Tournament 2022 bala pynlong da ka All Jaiñtia Cricket Association ha Khliehtyrshi WJHD.
Ka East Jaiñtia Hills kala wan ban tied nyngkong bad ka la kamai 95 runs bad hap 10 wickets na ki 28. 2 overs. U Nishikania Sinha ula ïoh 37 runs na ki 46 balls, katba ki nongkawang bol ka South West Khasi Hills CA u Wilson Nongrum ula khur 4 Wicket na ki 5 Over.
Haba wan ban beh ïa ka thong, ka South West Khasi Hills CA kala lah ban kamai haduh 96 runs bad hap 5 Wicket na ki 16.5 Overs. U Pynshailang Lyngdoh ula ïoh 23 runs naki 25 bol. Na ka liang ka EJCA ki rang kawang bol jong ka kiba kynthup ïa u Rohit Sharma bad u Karan Tamang kila ïoh ban khur mar 2 Wicket. Ïa ka nam Man of the Match la ïoh da u Wilson Nongrum.
Haka jingïakhun jong ka Zone-2 ba la pynlong ha Tura mynta hi ka sngi ba la wan ban aireng hapdeng ka North Garo Hills CA bad ka East Garo Hills C A, na ka liang ka East Garo Hills CA kala jop da 5 wickets ïa ka North Garo Hills CA. ïa ka nam Man of the Match ka ïoh da u Gulgul Sangma.
Ka jingïalehkai ha ka 23/04/2022, ha ka Zone-1 kan long hapdeng ka SCA (A) pyrshah ïa ka SCA (B), katba ha ka Zone-2 ka North Garo Hills kan ïakhun pyrshah ïa ka Tura DCA.