Ka kynhun ïalehkai jong ka Ummulong mynta ka sngi (23.02.2022) kala long kum ka nongjop ha ka lympung Open to all T20 Cricket Tournament 2022 bala pynïaid da ka All Jaiñtia Cricket Association ha madan Jrisaleiñ Jowai.
Haba phai sha ka jingïakhun ka Ummulong kala lah ban pynliem ïa ka Umshangiar da 3 runs. Na ka liang ka Ummulong kala wan ban tied nyngkong da kaba kamai 165 runs na ki 20 overs bad hap 6 wickets. U Rejoice Gassah ula ïoh kamai 43 runs na ki 31 balls, katba u Khroo Passah jong ka Umshangiar ula khur 3 wickets na ki 3 overs.
Haba wan ban beh ïa ka thong ka Umshangiar kala lah ban kamai 163 runs na ki 17.1 overs bad hap lut baroh ki wickets, ha kaba u Teilang War ula kamai 37 runs na ki 20 balls, u C. Shylla bad u C. Gassah na ka Ummulong kila ïoh pynhap mar 2 wickets na ki 4 over.
Ha kane ka jingïakhun ïa ka nam ‘Man of the Match’ la ïoh da u Rejouce Gassah jong ka kynhun Ummulong.