Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 20.10.2023 ha madan Kiang Nangbah Stadium, Dongmihsngi Jowai.
Haba phai sha ka jingïakhun ka kynhun ïalehkai jong ka Wahiajer SC kala pynliem da 3-2 kol ïa ka Sohmynting SC. ïa ki kol na ka Wahiajer SC la ioh ban thep da u Janario Phawa haka minit ba 36, u Ebormi Jat haka minit ba 40 bad u Niwan o Gatphoh haka minit ba 90+2.
Katba ïa ki kol na ka liang ka Sohmynting SC la kum thep bakla da u Marlangki Suting sha ka kol lajong (own goal) ha ka minit kaba 70 bad u Auspicious Pamthied ha ka minit kaba 88 jong ka jingialehkai.
Ka jingïakhun ha ka sngi Saitjaiñ 21.10.2023 kan long hapdeng ka Khliehiongriang SC pyrshah ïa ka Moosalyngkat haka por 12 baje shiteng sngi.