Rah u ma K. Diengdoh ïa ka nam 1st Prize ha ki Dakha Dkhar bad u E. Nongrum (Dakha Pnar)
Ka Seiñ Khynroo Khyllood Dorbar Shnong Khimusniang, Jowai mynta ka sngi saitjaiñ 10 tarik Nailar, 2024 kala pynlong ïa ka jingïakop khwai dohkha shi bynta ban pynmih fund ïa ka seng samla jong ka Shnong.
Ïa kane ka jingïakop khwai dohkha ka Seng Samla kala ju pynlong manla u snem da ka jingkyrshan lang jong ka Dorbar Shnong Kane ka jingïakop kala sdang naduh ka por 5 baje mynstep haduh ka por 5 baje janmiet. Ka jaka khwai la pynlong naduh Jingkieng Myntdu (Treïongriang) haduh Ban Moopiah (jaka tan umbam ka tnad PHE).
Hadien ba la pynpoi ïa ki Dohkha jong ki nongjop ha Indoor Sports Halls jong ka Shnong ha ka por jainmiet, ka Seiñ Khynroo Khyllood Dorbar Shnong Khimusniang, Jowai kala sam ïa ki khusnam sha ki nongjop naduh ki Dakha Dkhar (1st: 4000/- 2nd: 2500/- bad 3rd: 1500/-), Dakha Pnar (1st: 4000/- 2nd: 2500/- bad 3rd: 1500/-) bad Dakha Ktung (1st: 1500/- 2nd: 1000/- bad 3rd: 500/-).
U ma Karlington Diengdoh ula jop ïa ka kyrdan ba nyngkong 1st Prize ha ka liang ki Dakha Dkhar, ba ar u Rimioo Passah bad ba lai u Waiphang Dkhar.
Ha ki Dakha Pnar la wan ba nyngkong da u Evan Nongrum, ïa ka kyrdan ba ar bad ba lai la ïoh da u Firstjoy Lamare. Ha ka liang ki Dakha Ktung la wan ba nyngkong da u Rimioo Passah, ba ar u Phrang Pasleiñ bad balai ka Dolly Passah.
Ha kane ka juh ka sngi la pynkhalai ïa ki Express Lucky Draw jong ka Seiñ Khynroo Khyllood DSK ki no ba pom 1st: 01864. 2nd: 01193, 3rd: 00508 bad la sam ruh ïa ki Special Prize kiba ïoh ïa ki Dakha Rymblen.
Ïa ki khusnam sha ki nongjop la sam da u kongsan ma Damehiwot Pde Waheh Shnong ka Chilliang Raij Jowai uba dei ruh u President ka Jaiñtia Fishing & Environment Protection Association (JF&EPA) Jowai, ha ka jingdonlang u Waheh Shnong ka DSK ma A. Lamare, ki nongïalam shnong, ki seng khynthei, ki dkhot ka Seiñ Khynroo Khyllood Dorbar Shnong Khimusniang bad kiwei de.
************************