Ki ar tylli ki seng bhalang kiba kynthup ia ka Karbi Student Association (KSA) na Karbi Anglong District jong ka Assam bad ka Jaiñtia Student Movement (JSM) na ri Lum Jaiñtia jong ka jylla Meghalaya mynta ka sngi Saitjain jong ka 3tarik June, 2023 kila pynlong ka jingkynduh lang ha Karbi Hemtun, 6th mile Guwahati (Assam), na ka bynta ban ia kren ia ki lad ki lynti bapher bapher kumno ban wanrah ka jingshongsuk shongsaiñ ha ki jaka khappud ha ki thaiñ Karbi Anglong bad ki shnong khappud ka Jaiñtia jong ka jylla Meghalaya.
Ka jingthmu ba kongsan jong kane ka jingiakynduh ka long kumno ban wanrah biang ka jingshongsuk shongsaiñ hapdeng kine ki ar jait bynriew kiba don ha kitei ki jaka khappud kumba ju long ha ki por mynshwa, namar ha ki por mynshwa kine ki thaiñ khappud ki long kiba shongsuk shong saiñ kiba ym ju kham don kata ka jingiakhajia kumba long ha kine ki por kiba dang shu dep shen.
Ha kane ka jingiakynduhlang la don lang u President ka KSA u Jemson Timung, President JSM Leningstar Rymbai, ki Secretary bad ki dkhot jong kine ki ar tylli ki seng bhalang.
