Ka nongtrei hapoh ka lama jong ka Meghalaya Power Workers’ Worker Union (MPWU) Jowai Unit ha kane ka sngi Thohdieng 13 tarik kala pynlong ïa ka jingïakynduh lang ba shisien shisnem kaba la long ha Chutwakhu Indoor Sports Hall Jowai.
Ïa ka jingïalang la pynïaid da u President ma D. Sumer, la ïoh ïa ka jingkren pdiang burom na u President Jowai Unit ma D. Pajuh, kumjuh ruh ka jingrwai pdiang burom na ka Jowai Unit.
Ha kane ka sngi la wanrah ïa ka Annual Report na ki Unit kiba pher bapher kiba don hapoh ka MPWU, kumjuh ïa ka Annual Report na u General Secretary ma K.B. Chyne bad ka Financial Annual Report na U Financial Secretary jong ka Union ma A. Buam.
Na ka liang ka seng MPWU kala ïoh ban pynthymmai ïa baroh ki nongkitkam jong ka Union bad ki Unit kiba pher bapher na ka bynta u Snem 2025. La jied President ïa u Mr. D. Sumer, General Secretary Mr. K.B.Chyne, Finance Secretary Mr. A. Buam, ryngkat bad ki Dkhot jong ka CEC kiba long ki President/Secretary jong ki Unit kiba pher bapher kiba don hapoh ka Meghalaya Power Workers Union. MeECL.
