Īa ka bording ilektrik la kheiñ kum u budlum jong ka juk ba mynta kaba pynmeh pynthaba īa ki īing ki sem, ki jaka pule, ki karkhana bad jaka trei ha satlak ka pyrthei. Ka jingīaikiew ka jingpyndonkam īa ka ha kiba bun ki liang ka la ïarap shibun bad kaba pynsuk īa u briew ban pynsted īa ki kam ki jam kiba man ka sngi. Haba īadei bad kane ka juh ka phang, ka Havells kawei na ki kompani ba la paw bha hapoh India kaba pynmih ban die īa ki tiar ba pyndonkam da ka bording ryngkat ka jingīasnoh kti lang bad ka Megh Light Electricals, Jowai ka la pynlong īa ka jingīakynduh lang (Retailer Meet) ha Highwinds Restaurant, Mukhla, West Jaintia Hills ha ka 20 tarik u Nailur 2025.
Ha kane ka jingīalang la pyni nam īa ki tiar kiba harrukom ba la pynmih da ka Havells kynthup īa ki MCB, RCBO, MCCB, SPD bad kiwei kiwei.
Haba īakren bad u Ashesh, u nongpynīaid īew īa ki tiar lait uba dei ruh u trai jong ka dukan Megh Light Electricals, ka dukan jong u kaba la sdang ban pynïaid īew īa ki tiar naduh u snem 1983 hapoh Jaintia Hills.
U Ashesh u la ïaroh ïa ka Havells kaba la lah ban pynmih ïa ki tiar ba kynsai bad ba ki nongpyndonkam ki kot bor ban thied. U la ong ruh ba ka jingpynmih īa ki tiar ba bha ka la ai jinghun ïa ki nongpyndonkam ïa ki tiar ba ka company ka la pynmih bad shalan ha ka thain hi baroh kawei.
Kane ka jingīalang ka long ruh ka kabu īa ki nongthied bad nongpynīaid īa ki tiar jong ka Havells ba ki īoh īa ka lad ban pynsngew īa ki jingai jingmut jong ki. Ka company ka pynthikna ruh ban nang trei kham bha ha ka ban shakri īa ki paidbah ha ka liang ka jingpynmih īa ki tiar kaba ki nongthied kin lah ban īoh ka jingshaniah ba pura.
U Ashesh u la ring lain ba ka company ym tang ba ka pynmih īa ki tiar ba kynsai hynrei ka pdiang ruh īa ka ki khep īoh lehse kan don ka jingbym trei kam bha ki tiar ba ka la pynmih be die lada ki paidbah ki ai ka jingujor sha ki bor ba dei peit ha kane lain. U la ban shuh shuh ba ka jingkhkain jong ka company ka shong eh ha ka jingīatrei lang ki nongthied, nongshalan bad nongpyndonkam kumjuh.
Khadduh eh u Ashesh u ong ba ka jingkloi jong ka Havells ban shimkhia bad pynjanai īa ka jingshakri jong ka, khlem pep ka jingīaid īew ki tiar jong ka kan tam īa kiwei pat ki paralok ba don ha kajuh ka jylli, pynkut u Ashesh.
