U Myntri sorkar pdeng ba dei khmih ia ka Tnad Communications and Development of North Eastern Region (DoNER), Jyotiraditya M. Scindia u la pynlong ka jingïalang peit bniah bad u Myntri Rangbah ka jylla Assam Himanta Biswa Sarma mynta ka sngi ha Guwahati ban bishar ïa ka jingïaid shaphrang ki kam pynroi ba kongsan ha kane ka jylla.
Ha kane ka jingialang, u Scindia u la pynskhem biang ïa ka jingkut jingmut jong ka Tnad ban shim ïa ka bynta kum ka nongplie lad ha kaba kyrshan ïa ka jingïaid lynti ka Assam ha ka roi ka par. U la ban jur ia ka jingdonkam ban pyniaid ia ka jingpyndap 100% ia ki thong ba kongsan jong ka imlang sahlang ha ki Vibrant Village, da kaba shim ia ki mat ba kyrpang ha ka rukom treikam ba kyrpang ban pynthikna ka jingktah kaba lah ban iohi. Ki jingiakren ki la pynpaw ruh ia ka lad kiba bun kiba don ha u dieng agar bad ka jingdonkam ban kyntiew ia u kum u mar ba kordor bha na ka bynta ka jylla. U Myntri u la ban jur ïa ka jingdonkam ban kyntiew pura ia ka kam shna jain Muga kaba kyrpang jong ka Assam, kaba iarap ïa ki nongthaiñ jain ha ka thain ban kiew ha kaba iadei bad ka dor bad ban ïoh ïa ki lad kamai kiba lah ban neh.
Ka jingbishar bniah ka la kynthup shuh shuh ia ka jingpynleit jingmut ha ki jingpyrshang jong ka Assam ban long kaba lah ban kyrshan dalade ha ka jingpynmih palm oil, kaba iadei bad ka jingthmu jong ka ri bad ka jingthmu jong u Myntri Rangbah duh Narendra Modi na ka bynta ka Atmanirbharta. Ka jingkyntiew ia ka kam jngohkai pyrthei ruh ka la paw bha ha ki jingiakren, ryngkat bad ka jingthmu ban pyni ia ka jingriewspah ka kolshor bad ka jingitynnad ka Assam sha ka pyrthei. U Myntri u la pynthikna ia ka jylla ia ka jingkyrshan bad jingiatreilang na ka sorkar pdeng ban pynsted ia ka jingkiew shaphrang kaba kynthup lang bad kaba neh ha Assam bad ka thain shatei lammihngi baroh kawei.
