Ka Elaka Labang Nangphyllut kala ïoh ban pynlong ïaka Cultural Program kaba shisngi haka shnong Lamarang kaba hap hapoh Block-1 haka 29 tarik Rymphang 2024 daka jingïatrei lang bad ka Labang Nangphyllut Pangam Raliang Area Committe ( LNPRAC)
Ha kane ka program la ïadon lang ruh u Pa’iem barim ka Hima Mylliem U Laborious Manik Syiem kum u kongsan (Chiefquest) bad i Dr. Fenella Lyngdoh Nonglait kum i symbud kongsan. U Bah Benjamin Thabah u S P ba dei peit ïa ka kam Border, u Bah Army Lipon – President Synjuk Waheh Chnong Ri Jaiñtia, Bah Aibor Shadap MDC – Barato Mukroh, Bah M.M Thaiang – Secretary Labang Nangphyllut Pagam Raliang Council Bah, Chandame Sungoh – Chairman Hynñiewtrep Border Disputed Redressal Forum (HBDRF) kum ki nong shah khot sngewbha lane ki invitees. U Acting Doloi ka Elaka Labang Nangphyllut U, Prolin Samaïang ki Waheh Chnong bapher bapher jong ka Elaka Labang Nangphyllut bad kiwei kiwei de ki riew pawkhmat jong ka thaiñ.
Ia ka jingïalang la pynïaid da u Bah Comingson Dkhar u Chairman jong ka LNPRAC.
U Pa’iem L.M. Syiem haka jingkren jong u kum u Kongsan u la ïathuh ïaka tynrai jongka jait bynriew Hynñiewtrep ka jingriewspah ka riti ka dustur, ka ktien ka thylliej bad ka jingdonkam ban pynneh pynsah ïaka. U kular ruh ban ïakren bad ka sorkar Meghalaya ban wanrah biang ïaka Block-1 sha Meghalaya.
Ka Doctor Fenella Lyngdoh Nonglait ka ai ka jingïaroh ïaki paid nongshong shnong jong ka ne ka thaiñ ba wat ha pdeng ki jingeh kiba bun baki ïakynduh ruh kim klet ïaka riti ka dustur, ka ktien ka thylliej. Ka kular ruh kum ka nongsaid aiñ ba kan iasaid ha Supreme Court naka bynta ki jingeh jong ki paid nongshong shnong ka Labang Nangphyllut lada ka dei ban ïa said ha Court ruh. Ka ong ruh ba lada ka ïoh ticket te kan iakhun beit ïaka M P Election bad ka rung sha ka BJP naka bynta ka jingbha jong ki pait nongshong shnong jong ka jylla Meghalaya.
U Bah B. Thabah kum u heh pulit u kular ban wanrah ïaka shongsuk shongsaiñ bad ban ïatrei lang bad ki Dorbar Shnong naka bynta ban pynneh pynsah ïaka shongsuk shongsaiñ. U Bah A.Lipon u kular ban ïatrei lang bad ki Waheh Chnong naka bynta ka hok bad ka jingbit jingbiang jong ki paid nongshong shnong jong ka Labang Nangphyllut.
Ki nongkren baroh ki kyntu ïaki paid nongshong shnong ka Elaka Labang Nangphyllut ba kin long kiba ïaineh ïaishah kiba shlur khang ba kin ïoh ïaki hok jong ki, bakane ka Elaka kan wan biang sha Meghalaya.
Ha kane ka sngi la ïoh ïaki jingshad tynrai naki paid nongshong shnong jong kane ka Elaka ka shad Pastieh naka shnong Lamarang , ka shad pliang naka shnong Lamarang , ka shad laho naka shnong Kya- rabon. Ka shad niam Tre naka shnong Madan Nangkylla ka phawar Laho naka Raid Labang bad kiwei kiwei de .