Ka Jaiñtia Student Union (JSU) Labang Nangphyllut Circle mynta ka sngi 10 tarik ka la pynlong da ka tamasa shad tynrai ba nyngkong eh hapoh katei ka shnong Labang Nongphyllut kaba dang hap hapoh ka Block-1.
Ha kane ka tamasa shad tynrai la wan sakhi lang ki dkhot ka seng kmie ka JSU haba u samla Treiborlang R Suchen uba la long kum u kongsan ha ryngkat ka jingdon lang u Vice-President ka seng u Aplang Lamare bad u nong ai buit ka seng u Heibor Pariat bad kiwei ki dkhot ka seng kmie.
Ka jingthmu jong kane ka tamasa kadei ban pynim la ka riti ka dustur ka tynrai bad ka jaiñ phong tynrai ki jaitbynriew Khasi Jaiñtia kiba shong ha Block-1 lane ka Elaka Labang Nangphyllut.
La ïathuh ba kane ka dei ka sien kaba nyngkong tam ba ju don kum kane ka prokram bad ka seng JSU ka lah pynlong khnang ïa kane jingkynduh lang ki nongshong shnong ha Block-1 ka long ban ai mynsiem ïaki ba kin shngaiñ bad kin ym sngew long marwei wad la ki don sha kawei ka thaiñ ka jaka.
U samla nongïalam ka seng u samla Treiborlang R Suchen haba ai jingkren ha kane ka prokram u la ai ki kyntien sneng tien kraw ïaki paitbah bad u la ong ba kum ka jaitbybriew don kam ban pynim ïaka ktien ka thylliej lajong, ka riti ka dustur bad ban kiar na ka shongkha khleh namar dei ki jaitbynriew kaba long kyrpang namar ka ai kur ai jait sha ka khynthei.
Ïa kane ka jingïalang la pynïaid da u samla Chemhok Kyrweng bad lah ai ktien pdiang burom da u President ka Labang Nangphyllut Circle u samala Salbius Myrten bad lah pynwai da u General Secretary u samla Rajesh Tamaha.
