Ka Loomkyrwiang Urban Primary Health Centre (LUPHC) Jowai kum shibynta ka Breast-Feeding Week 2024 ha kane ka 27 tarik August kala pynlong ia da ka jingiakop Healthy Baby Show.
Ha kaba na ka liang kilongkmie longkpa kila ia wan shongshit ban ialam ia ki khun jong ki sha kane ka jingiakop Baby Show, kiba la wan haduh 47 ngut.
Ki nongpyniaid kane ka programme jong ka Loomkyrwiang Urban Primary Health & Wellness Centre ki kynthup ia u Dr. Wamehi Suna, Medical Officer In-Charge, LUPHC, Ka Mandy Tariang, Staff Nurse, Ka Syiemki Pakynteinchirrup ki ASHA bad kiwei.
Ia kane ka jingiakop la pynlong ha ki ar bynta ar bynta kiba kynthup ia kiba khunlung ba dangkha haduh 6 bnai shapoh bad kawei pat ka long 6 bnai haduh shisnem.
Hadien ka jingpeit bniah napdeng ki khunlung kiba don hapoh 6 bnai ia ka 1st Prize la rah da u Yaltis Tang, 2nd Prize da u Dicky Thmu Lamat katba ka 3rd Prize la iohrah da u Dahun I Lathong.
Napdeng ki khunlung kiba don 6 bnai haduh shisnem iaka 1st Prize la rah da u Freddie Javyn Patlong, 2nd Prize da ka Johannah ELamin Suting bad 3rd Prize larah da U Eugeneson Lyngdoh.