Kum shibynta jong ka Special Campaign 3.0, ka National Sample Survey Office, Field Operations Division, Regional Office Shillong, hynnin ka sngi ka la pynlong ia ka jingpynkhuid ia ki jaka sawdong ka Nan Polok (Ward’s Lake). La iadon lang ha kane ka prokram ki Officer bad ki nongtrei ka office jong ka NSSO (FOD) RO, Shillong. Baroh ki nongtrei ki la ia shim bynta shit rhem ha kane ka jingpynkhuid ryngkat ka jingthoh ban pynlong ia ki jaka treikam bad ka nongbah Shillong ki jaka ba khuid.
Ka Ministry of Statistics bad Programme Implementation ki la dep pynlong ia kane ka Special Campaign 3.0. Ki bynta kiba kongsan ha kane ka Campaign ki kynthup ka jingpyndep kloi ia ki jingujor bad jingeh ki paidbah, ka jingiadei bad ki Dkhot ka Parliament (Members of Parliament), ka jingsngew skhem ki kular ka Parliament, ka jingpynkhuid ia ki jaka trei, ka jingpynkhuid ia ki lyngkhot lyngkhai bad ka jingbret noh ia ki kot jingthoh kiba la sinew.
La sdang ia kane ka Campaign da ka jingpynkhreh ban sdang naduh ka 15 tarik u Nailur haduh ka 30 tarik u Nailur 2023 ban shim ia ki bynta ban pynkhuid ha kane ha sien pyntreikam kaba sdang naduh ka 2 tarik u Risaw hadud ka 31 tarik u Risaw 2023. Ha kane ka campaign, ka NSSO (FOD) Regional Office Shillong, la mang kham kongsan na ka bynta ban kham pyniar bad pynheh ia ka jaka treikam ha ki office ryngkat ka jingpynitynnad bad jingkhuid ki jaka treikam.
