Ka Ophis treikam jong ka Block Mission Coordinator, SSA-SEMAM, Laskeiñ West Jaiñtia Hills kum shi bynta ban rakhe ïa ka sngi kyrpang jong ka thoh ka pule halor ka mat pdeng mynta u snem kaba ong ‘Promoting Literacy for a world in transition: Building the foundation for sustainable and peaceful societies’ kala pynlong ïa ka Enrolment Drive Programme mynta ka sngi 27 tarik ha shnong Thadmuthlong pyrdi, Phramer CRC Laskeiñ Block.
Ha ka jingïalang la pynïaid da u Silas Siangshai, CRP Laskeiñ Block la ïoh ka jingkren maitphang ha ka jingïadei bad ka pule puthina ka Dawansuk Lynthong, BMC, SSA-SEMAM, Laskeiñ Block bad ka khot ka wer ruh ïa ki nongshong shnong ka thaiñ Laskeiñ ba kin ïatreilang haka ban kyntiew ïa ka pule puthi jong ka dong ka thaiñ bad kyrpad ruh ïa ki longkmie longkpa ba kin shim ka jingkitkhlieh ban ym ai lad ba ki khun ki kti jong ki kin pep skul ne long kita ki khynnah ki bym ïoh ïa ka hok ban leit skul.
Kum ka jingsngewnguh sngew burom ïa baroh ki Volunteers jong ki Special Training Centre badon ha Laskeiñ Block, ka Ophis treikam jong ka Block Mission Coordinator, SSA Laskeiñ ryngkat ka jingïatreilang bad ka ophis treikam jong ka DMC-SSA SEMAM, West Jaiñtia Hills.
Nalor ka jingpynrung skul ïa ki khynnah, kila shim ruh ban pynkyrpang ïa kane ka jingrakhe mynta u snem da kaba pynkup burom ïa ki Education Volunteers kaba long ka dak ban pyni sha ka pyrthei badei ma ki kita ki briew kiba trei jar jar ban kyntiew ïa ka pule puthi hapoh ka District khamtam ban ai jinghikai bad saiñ dur saiñ dar ïa ka pyrkhat pyrdaiñ kito ki khynnah ba don hapdeng ka jingkutlad bad duh jingkyrmen ha kaban ïoh ïa ka jingnang jingstad.
Ka Dr. Marki Biam, JRDO Laskeiñ Block haba ai jingkrenkum ka kongsan, ka la ongkhlem ka jingnang jingstad ban im ha kane ka juk mynta ka long leh nohei, kumta ka khot ka wer ïa ki khynnah ba kim dei ban pep skul shiteng por, trei minot ban poi sha ka thong haduh ban da ïoh ïa ka jingnang jingstad.
Haba kut jongkane Enrolment Drive shwa ban ïoh ki kyntien khublei na ka Oriency Langstang, BRP Laskeiñ Block la ïoh ruh ka jingsam ïa ki khusnam ha kaba ki nongjop jong ka Drawing-Painting ki long ka Evamgelin Suchiang, Muthlong Pioneer LPS, ka Emi Tang, Phylliewlang LPS bad u Stevenson Kanai, Muthlongrim Govt. LP School, katba ha ka Slogan Competition pat ki nongjop ki long ka St. Vincent De Paul LPS, Muthlongrim Govt. LPS bad ka Muthlong Pioneer LPS.
