Ka ophis jong u Chief Electoral Officer ha ka jingiatrei ryngkat bad ka ophis Deputy Commissioner ka East Khasi Hills District mynta ka sngi kila pynlong ia ka ‘Mission UNITE 2.0 (U & I Towards Enrolment) #Roll2Poll Urban Apathy Electoral Outreach Programme’ ha Nongmensong Langkyrding, 14-Pynthorumkhrah (GEN) Constituency, Shillong.
Ka jingthmu jong kane ka prorkam ka long ban shaniah ha ki nongialam shnong bad ki seng treimon sngewbha ban ai ka jingpynsngewthuh paidbah halor ka jingpynrung kyrteng thep vote bad ruh ban iarap ban pynkiew shuh shuh ia ka jingwan pynrung kyrteng jong kito ki nongshong shnong kiba la biang ka rta hapoh ka Electoral Roll.
