Mynta ka sngi ka ophis u District Sports Officer, West Jaiñtia Hills ha ryngkat ka ophis u Deputy Commissioner ka District kila pynlong ïa ka Fit India Freedom Run 4.0 bad ka National Unity Day Run, ha kane ka jingïakop mareh la kaweh ïaka lama da u ma Khroobok Passah, District Sports Officer, WJHD ha ryngkat ka jingdonlang ki dkhot ka West Jaiñtia District Sports Association.
Ïa kane ka jingïakop mareh la pynlong shi bynta na ka thong jong ka Rashtriya Ekta Diwas kaba mut shaphang ka jingai jingtip sha ki paidbah ban don ka jingïatylli lang kawei bad shi bynta na ka jingleh burom ïa ka lyngkhuh snem sngikha u Sardar Vallabhai Patel u riew pyrkhat bad u nongsaiñdur jong ka ri India.
La sdang ïa kane ka jingïakop mareh na madan Kiang Nangbah Stadium bad ïaid lyngba u surok Ladthadlaboh na Memory Colony, Salaroh, Dulong, Panaliar, Loomïongkjam, Iongpiah, Mission Compound, Chutwakhut, Iawmusiang, Loom Soo Iung Newhill, Ladthadlaboh bad pynkut ha Indoor Stadium.
Ïa ka nam jop jong kane ka Fit India Freedom Run 4.0 and National Unity Day Run 2023 ha ka liang ki Shynrang la ïoh nyngkong da u Teiboklang Biam uba la pyndep 32 minit 21 sekhon, bud sa u Dasaman Kyndait hapoh 32 minit 45 sekhon bad u Daemiryntih Pakma uwa hapoh 32 minit 50 sekhon.
Katba ha ka liang jong ki kynthei la wan ba nyngkong da ka Happiness Phawa kaba la pyndep hapoh ka por 46 minit 26 sekhon, bud sa ka Monlangki Kyndait hapoh 50 minit 27 sekhon bad ka Mini Kyndait hapoh 54 minit 36 sekhon.
Ïa ki khusnam sha ki nongjop la sam da u L. Nartiang, Branch Manager Meghalaya Cooperative Bank Ltd, u ma Patrick Lamare, Vice-President, West Jaiñtia District Sports Association kiba la ïoh ïa ki Memento ryngkat ka song poisa kaba 4 hajar, 3 hajar bad 2 hajar tyngka.
