Ka tnat Revenue & Disaster Management ryngkat bad ka Meghalaya State Disaster Management Authority ha ka jingiatreilang bad ka National Disaster Management Authority Ministry of Home Affairs, Government of India hynne ka sngi ki la pynlong ia ka Mock Exercise ha Nongbah Shillong ban ai jinghikai ia ki paidbah lada jia ba wan u Jumai.
Ia kane ka Mock Exercise la pynlong ha ki kato katne ki jaka kum ha Buddha Vidya Ninetan Secondary School, Polo, ha ophis jong ka Soil and Water Conservation, Lawmali, Polo Hills residential area, Market Complex, Polo, Pynthorumkhrah ha jingkieng ban leit sha B.K. Bajoria, School, ha Wahingdoh bad ha Police Quarter Reserve.
Ha kane ka Mock exercise la wan ban ia shim bynta da ki tnat bapher bapher jong ka sorkar jylla, kynthup ia ki NCC, ki samla pule bad kiwei kiwei.
